Schmeggsch dr Broote au scho?

D Gebuurt vo dr «Glunggi-Schängge» isch 2004 an dr «Botz 1000»-Fyyr in Binnige gsii.
Deerte hän alli Aggddyyvy, iiri Glunggifraue und zaalryychi Bassivmitgliider im ene groosse Feschtzält erfolgryych iiri Gescht verpflägt und mit Muusig unterhalte.
Dr erschti Riise-Holzkoohlegrill mit vier groosse Spiess hän mer no gmietet kaa.

Noodäm dää feyni Brootis iiberall seer guet aakoo isch,
isch äär bis hitte feschte Bestanddail vo dr «Glunggi-Schängge» woorde.
Dä Namme isch au bliibe und bis hitte noone guete
Garant fiir an vyyly Feschter, wo d Vorstadt-Glunggi mitmache,
wie z. B. «Glunggi-Pro Sunnebad 2007», Yyweiig Schlosspark Binnige 2008
ooder am Dorffescht Binnige 2018.

Jeedes Joor z.B. sind mir im Frielig am Binniger-Märt und serviere unsere beliebte Schwyynsbroote ab em riisige Spiess-Grill, wo mir unterdesse sälber konstruiert hän und es git z Binnige numme noone baar Weenigi, wo vo dämm feyne Brootis noonig brobiert hän...

Nooch em Mariniere kunnt dr Brootis uff e Spiess
Nooch em Mariniere kunnt dr Brootis uff e Spiess
und eppe e 2 Stunde speeter
und eppe e 2 Stunde speeter
.. und noonemole fimf Minute speeter – mmmmmhhhhhh
.. und noonemole fimf Minute speeter – mmmmmhhhhhh