Numme yynekoo

Unsere Glunggi-Chäller

Syt anno 1986 isch dr Chäller offiziell fir alli Mitgliier offe.
Normalerwyys findet jeede letschte Frytig vom Monet (usser im Hornig, Juli und Augschte)
unsere traditionelle Hogg statt, woo mer fir Aggdyyv-, Bassivmitgliider und Frinde dien koche.
Aafangs Joor laade mer alli Mitgliider zem traditionelle Neyjoors-Apéro yy.
Es findet au jeedes Joor s bliebte Glunggi-Jassturnier fir Mitgliider statt.
Nadyyrlig dien mer im Chäller au no anders schaffe.
Z.B. wäärde jeedes Joor unseri Figüürli gschliffe, gmoolt, bändelet und verpaggt.
Au an unsere Goschdym, Soggeli ooder Larve wird au immer flyssig baschtlet.
An dr Fasnacht sälber isch es unseri «Materialzentrale».
Nooch em Cortège z Basel versoorge mer immer alli Larve suuber Chäller und dien unsere Waage uffruume und butze fir dr neggschti Daag am Cortège.
Nadyyrlig isch dr Chäller au an dr Binniger Fasnacht nooch em Umzug fir alli offe.