Wotsch e Fescht im Glunggi-Käller?

Im hindere Dail vom Glunggi-Käller finde 28 Persoone zem Ässe Blatz.

 

 

E Gebuurtsdaagsfyyr oder Apéro ...

... fir e Sitzig, e Klassezämmekunft, Jubiläumsfyyr ooder nummen esoo...

Dr Glunggi-Käller ka jeedes Mitgliid miete
Siggs nur fir e glaine Apéro oder fir e viergängigs Menu fir ca. 46 Persoone.
Mir hän in unserer Glygge alles schaffigi Lyt mit Bruefserfaarig und wo wisse wie s goot e guete Aalass uff d Bai zstelle.

S Personal wird gratis vo uns gstellt
Fiir das muesch doo als Gascht bi de Glunggi nyt extra zaale.
Mir kimmere uns um alles, wenn de wotsch.
Vom Disch degge, Koche, Serivce bis zum Uffrume und Butze.
Kasch dy voll um dyny Gescht kimmere und kasch s Fescht au gniesse!

Wotsch e Menuvorschlag – kai Brobleem
Mer sind in dr gligglige Laag, ass mer e baar Kochproofi in dr Glygge hän :-)
Sag uns aiafach, was Du Dir voorstellsch – scho ab 15 Persoone mache mir e Menuvorschlag fir Dyni Fyyr.

Aifach Maile oder delifoniere em Källerchef Remo Minder.
Aber dänggsch denn draa dr Schnäller isch dr Gschwindder!

 

 

Lyt em Käller-Chef aa

Dischli degg dy ... mir hän verschiideni Dischdyecher und Seerwiettefarbe

Fir Terminaafrog(e) oder Besichtigung aifach em Käller-Chef delifoniere:

Remo Minder
Deelifoon 076 338 05 18


... ooder schiggsch e kurzi Aafroog mit em Wunschtermiin per Mail:
kellerchef@vorstadtglunggi.ch

Miir mälde uns so rasch als meeglig!