Dr aggduelli Vorstand

Dr ney Vorstand setzt sich syt dr 50. GV vom 9. Juni 2017 esoo zämme:

 

Dr Ober-Glunggi

derbyy syt 1993 

Paul Eichenberger "Popol"
Unsere Oberjehuu isch scho ainigi Jeerli am Rueder.
Äär isch doo ganz bsunders stolz druff!


 

Vize-Glunggi

Vize-Glunggi
Bis zu de Neywaale im 2018 isch dr Sascha Buser als Vize-Glunggi gwäält worde.
Mer sind alli iiberzygt, ass är die Ufgoob gwissehaft maischteret.


 

Dr Seggelmaischter

Jean-Claude Loosli "Schanggi"
Sy dr 48. GV 2015 het är s Kässeli iibernoo und duet s Gäld vo Glygge und Käller verwalte.


 

Dr Källerchef

derbyy syt 1995 

Remo Minder
Dr Remo het syt 48. GV 2015 dr Käller wiider unter syner Obhuet und luegt dert zem Rächte.


 

Ehre-Oberglunggi

derbyy syt 1971 

Alfredo Monigatti
Unsere Fredy isch scho fascht alles gsii in dere Glygge...!
No dr 48. GV het äär als Seggelmaischter und Källerchef demissioniert und fir jungs Bluet Blatz gmacht. Är blybt uns aaber als Ehre-Oberglunggi im Vorstand erhalte, denn syni Erfaarig isch e huffe wäärt.


 

Dr Obmaa Alti Garde

derbyy syt 1989 

Hans Frey
Unsere "Hausi" isch dr Obmaa vo dr Alte Garde. An dr Fasnacht het är aaber "Batze und Weggli": äär macht nämlig mit em Stamm au z Basel mit.
In "Catering"-Frooge unseri erschti Waal und duet dr Källerchef in allne kulinarische Frooge beroote.


 

Dr Schryyber & Websytte-Baschtler

derbyy syt 2002 

Iain Vert
Wenn drey Glunggi glychzyttig dryschnuure, muesch no kenne mitschryybe .... Das het äär aber guet im Griff.
Unsere Internet-Ufftritt isch ganz in synere Hand.


 

Dr Byysitzer

Marcel Pierrehumbert
Unsere Marcel «Cello» Pierrehumbert isch syt 2010 in dr Glygge.
Zerscht in dr Alte Garde und syt 2015 als wichtige Vordrääbler bym Stamm am Basler Cortège.